Egilsstaðakot.is

Farið að síga á seinnipartin á sauðburðinum

Þorsteinn Logi — Sun, 13 May 2012 21:11:19 +0000

Sauðburður gengur ágætlega um helmingur er borin þar að segja 120 ær og 30 gemingar bornir, kominn um 260 lömb lifandi. ýmsar heimsóknir hafa verið, ferðamenn, 10. bekkingar í skólaferðalagi, fólk af ættarmóti í Þjórsárveri.

Hér má sjá nokkrar myndir frá sauðburðinum:

https://picasaweb.google.com/112233650097903198517/May132012#5742125315576124818

Deila á Facebook

Hesthúsið tekið í notkun

Þorsteinn Logi — Sun, 29 Apr 2012 23:24:52 +0000

Laugardaginn 21/4 2012 var hesthúsið sem er í endanum á fjárhúsinu tekið í notkun það rúmar 14 hross í einstaklingsstíum. Innréttingar eru frá Vélsmiðju Valdimars Friðrikssonar og plastið í milligerðir og á veggi er að mestuleiti frá Jóhanni Helga og co. að auki átti ég til talsvert af plasti sem mér áskornaðist fyrir nokkru. Hér má sjá nokkrar myndir af framkvæmdum og húsinu :

https://picasaweb.google.com/112233650097903198517/April292012#5736965059202865122

Deila á Facebook

Mikilvægast að fá gott start

Þorsteinn Logi — Tue, 06 Mar 2012 16:45:44 +0000

Einn af lykil þáttum þess að ná góðum árangri í gæðum og þyngd lamba er að þau fái gott start að vori. Þá skipta fyrsti mánuðurinn í lífi lambsins mestu máli. Við í Egilsstaðakoti höfum verið að prófa okkur áfram í að brydda upp á nýjungum í vorbeit fyrir féð. Við höfum sáð ríggresi og byggi í apríl og beitt það um leið og það kemur upp. Það hefur reynst ágætlega. Síðast liðið sumar prófuðum við að sá vetrarrúg, sem er tvíær planta. Hún er mjög fljót til að vori og sprettur mjög hratt.
Verkferlið var þannig að við slógum tún um miðjan júlí og plægðum um 1 ha af því, síðan bárum á það 50t af hálmskít beint úr fjárhúsinu og sáðum vetrarrúgnum 20. júlí. Veðrið lék við okkur og það rigndi vel á stykkið svo að viku seinna var kominn græn slikja yfir það. Á réttardaginn 17. sept var komið um 25cm hátt gras á túnið. Næsta mánuðinn var ég með um 60 lömb að jafnaði á túninu. Lömbin virtust þrífast vel á þessu.
Í allan vetur er stykkið búið að vera iðagrænt og er því áætlað að hægt sé að beita það að fullum þunga um mánaðarmótin apríl/maí eða þegar fyrstu lambærnar fara að fara út. Ekki er komið mikið sem 1 korn af tilbúnum áburði á stykkið ennþá en vor stendur til að bera 500kg af NPK 24-4-7 frá yara. Svo er bara að bíða og sjá til hvernig þróunnin verður

Deila á Facebook

Fósturtalning

Þorsteinn Logi — Sat, 18 Feb 2012 17:06:15 +0000

Miðvikudaginn 1. febrúar sl. kom Gunnar Björnsson í Sandfellshaga og taldi fósturinn í ánum hjá okkur. alls voru 543 lömb talinn í þeim. Í fullorðnu ánum voru 23 þrílemdar og 23 einlembur 10 seinar eða geldar. 83 gemlingar 20 með 2 og 6 geldir eða seinir.

Deila á Facebook

Þorsteinn Logi — Sat, 31 Dec 2011 19:49:43 +0000

Heimilis fólkið í Egilsstaðakoti

óskar vinum og velunnurum

gleðilegs árs

þökkum samveru stundir

og viðskipti árinu.

Deila á Facebook

Ein af mörgum ljúffengum uppskriftum sem hægt er að sjá á lambakjot.is

Þorsteinn Logi — Thu, 08 Dec 2011 19:17:41 +0000

Basil- og hunangshjúpuð lambakóróna með kumminbættum augnbaunum og basilpestói

Lýsing

Okkar frábæra lambakjöt hentar við ýmis tækifæri og er sannarlega kjörið hráefni í veislumat. Hér er uppskrift að girnilegum rétti sem sómar sér vel í hvaða veislu sem er. Höfundur. Úlfar Finnbjörnsson, matreiðslumeistari.
Uppskriftin birtist í Gestgjafanum 3. tbl. 2007.

Hráefni

í stuttu máli

600 g lambahryggur með rifjum, fitulaus
2 msk. hunang
2 msk. basil, smátt saxað
2 hvítlauksgeirar, pressaðir
1/3 tsk. salt
1/2 tsk. svartur nýmalaður pipar
2 dl rasp
2 msk. steinselja, smátt söxuð

Leiðbeiningar

Hitið ofninn í 190°C.
Blandið saman hunangi, basil, hvítlauk, salti og pipar og penslið blöndunni á hrygginn.
Blandið saman raspi og steinselju og veltið hryggnum upp úr blöndunni.
Setjið kjötið í ofninn í 4 mín. Takið það þá úr ofninum og látið standa á borðinu í 4 mín.
Setjið kjötið aftur í ofninn í 4 mín.
Endurtakið þannig að kjötið verði allt í allt 12 mín. í ofninum.

Berið fram með augnbaununum, basilpestói og grænmeti.

Deila á Facebook

Senn kemur að lokum á þessari sláturtíð

Þorsteinn Logi — Mon, 24 Oct 2011 21:58:13 +0000

Síðustu lömbin fara frá mér í slátrun næstkomandi fimmtudag, 27. okt. Það þíðir að ekki verður hægt að panta kjöt eftir miðvikudagskvöldi 26. okt því að ég hef ekki aðstöðu til að frysta kjöt. Endilega farið inn á kotalamb-panta kjöt og kynnið ykkur þá flokka sem ég bíð upp á.

Deila á Facebook

North Atlantic Jewel – Iceland – Árnes County

Þorsteinn Logi — Fri, 21 Oct 2011 08:11:23 +0000

Við í Egilsstaðakoti tókum þátt með öðrum ferðatengdum aðilum að útbúa dvd disk. Diskurinn heitir North Atlantic Jewel – Iceland – Árnes County. Hægt er að kaupa diskinn hjá okkur á 3000kr tilvalinn gjöf.

Myndband

Deila á Facebook

Uppskriftir af góðum lambakjötsréttum

Þorsteinn Logi — Fri, 14 Oct 2011 14:12:52 +0000

Á heimasíðunni www.lambakjot.is er hægt að finna margar uppskriftir af ljúffeingum lambakjötsréttum s.s.

Lambakarrí – með hrísgrjónum og nanbrauði

Lýsing

Nýtum kalda afganga í exótíska rétti og tilraunir með bragð og krydd. hér er brugðið á leik með indverskum hætti.

Skammtar

2 laukar, 1 gult epli, 2 hvítlauksgeirar, 2 gulrætur
½ tsk kanill
2 tsk karrí
½ tsk paprika
½ tsk engifer
250 ml kókosmjólk
1 kóríander búnt- ferskt
lambakjöt – t.d. afgangur af fituhreinsuðu súpukjöti,læri eða fille, lund eða annað sem til fellur.

Leiðbeiningar

Skerið lauk, hvítlauk og gulrætur niður eftir smekk. Gyllið gulrætur og lauk vandlega á pönnuni með olíu, að því loknu setjið eplin og bætið svo þurrkryddi út í og látið malla í 2-3 min við vægan hita. Bætið þá kjötinu út í og steikið í 1-2 mín. Hellið þá kókosmjólkinni út í og látið malla. Saltið að smekk. Saxið ferskt kóríander og stráið yfir áður en framreitt. Berið fram með hrísgrjónum og nanbrauði.

Deila á Facebook

Einskorðum okkur að því að selja eingöngu hágæðakjöt

Þorsteinn Logi — Wed, 07 Sep 2011 22:42:00 +0000

Hér má sjá sýnishorn af því gæða kjöti sem Egilsstaðakot hefur upp á að bjóða undir vörumerkinu Kotalamb. Sést hér glögglega hversu góð holdfylling er í skrokkunum sem gerir það að verkum að viðskiptavinir eru að fá meira kjöthlutfall í hverju kílói. Lömbinn ganga á fjalli og eru eftir það á fjölbreittu fóðri sem tryggir að lömbinn eru í góðu standi þegar þeim er slátrað, það gerir það að verkum að kjötið er safaríkt og meirt.

Deila á Facebook